Hæ! Langt síðan ég hef kíkt inn á bloggið, sumarfríið í fullum gangi og nóg að gera :) Ætla að setja inn uppskrift í dag af uppáhaldinu mínu! Það er fátt betra en góð súkkulaðikaka með mjúkri miðju sem lekur út úr kökunni þegar skorið er í hana, hrikalega gott! Ég hef oft reynt að baka svona kökur en það hefur svo oft mistekist hjá mér að ég var eiginlega hætt að reyna en um daginn fann ég uppskrift sem mér fannst svo girnileg að ég ákvað að prófa aftur og það heppnaðist fullkomlega!
- 170 gr suðusúkkulaði
- 115 gr smjör
- 35 gr hveiti
- 60 gr flórsykur
- Salt á hnífsoddi
- 2 stór egg
- 2 stórar eggjarauður
- Hitið ofninn í 220 gráður
- Mér finnst best að nota álform þegar ég baka þessar kökur. Smyrjið álformið og dustið smá kakódufti yfir formið, þá verður mun auðveldara að má kökunni úr forminu.
- Bræðið saman smjör og súkkulaði, passið að það brenni ekki við
- Hrærið saman þurrefnunum, hveiti, flórsykri og salti í skál
- Í annarri skál, hrærið þá saman eggjunum og eggjarauðunum
- Hellið þurrefnunum, eggjahrærunni og súkkulaðinu saman og hrærið með sleif
- Deigið verður frekar þykkt
- Setjið deigið í muffinsformin eða álbakka/form.
- Bakið í 12-14 mínútur ef þið notið muffinsform, ef þið notið hinsvegar álbakka eða álform þá er nóg að baka kökurnar í aðeins 8-10 mínútur.
Rannveig heiti ég og er eigandi þessarar bloggsíðu. Ég er 26 ára gömul, fædd og uppalin í Kópavogi. Núna bý ég þó í Kaupmannahöfn þar sem ég starfa sem markaðsstjóri. Takk fyrir að stoppa við á þessari litlu síðu minni og kíktu endilega á fleiri greinar sem ég hef skrifað!
