Buffalo kjúklingur

IMG_3115Ég elska sterkan mat, því sterkari, því betri! Buffalo kjúklingur er klárlega einn af mínum uppáhalds réttum. Ég hef stundum pantað mér þannig á veitingastöðum en ákvað fyrir nokkru að prófa að búa hann til heima. Það kom mér á óvart hversu ótrúlega góður kjúklingurinn var og hversu auðvelt það var að elda hann. Mér fannst þessi kjúklingur eiginlega betri en þeir sem ég hef fengið á veitingastöðum. Mæli svo sannarlega með þessum. Uppskrift að gráðostasósu er einnig hér að neðan en mér finnst hún ómissandi með buffalo kjúkling!

IMG_3041IMG_3044IMG_3045IMG_3047IMG_3048IMG_3050IMG_3075IMG_3086IMG_3089IMG_3097IMG_2921IMG_3103IMG_3104

IMG_3113

Buffalo kjúklingur
Serves 3
Print
Prep Time
20 min
Cook Time
20 min
Total Time
40 min
Prep Time
20 min
Cook Time
20 min
Total Time
40 min
Buffalo kjúklingur
  1. Kjúklingalundir – ca 600-700 gr
  2. 5 bollar kornflex
  3. ½ tsk salt
  4. ½ tsk pipar
  5. ½ tsk hvítlauksduft (garlic powder)
  6. ½ tsk paprikukrydd
  7. 125 gr hveiti
  8. 2 stór egg
  9. 60 ml mjólk
  10. 1 og ½ bolli sterk (buffalo) sósa (mér finnst þessi sem er á myndinni hér fyrir ofan best, hún fæst í Hagkaup)
Gráðostasósa
  1. 100 gr majónes
  2. 120 gr sýrður rjómi (ég nota 18%)
  3. 2 tsk mjólk
  4. 1 tsk worchester sósa
  5. 75 gr rifinn gráðostur (ætti að vera til í öllum matarbúðum)
Buffalo kjúklingur
  1. Ofninn er hitaður í 200 gráður.
  2. Setjið smjörpappír á ofnplötu.
  3. Kornflexið er sett í matvinnsluvél. Myljið en passið að mylja ekki of mikið, kornflexið á ekki að vera alveg brotið í litlar mylsnur.
  4. Salt, pipar, hvítlauksduft og paprikukrydd er hrært við kornflexið.
  5. Setjið hveitið í skál.
  6. Pískið saman egg og mjólk í annarri skál.
  7. Byrjið á því að velta kjúklingnum upp úr hveitinu. Næst fer hann í eggjablönduna. Að lokum er kjúklingnum velt upp úr kornflexinu.
  8. Setjið kjúklinginn á ofnplötuna og inn í ofn.
  9. Kjúklingurinn er í ofninum í 10 mínútur. Að þeim loknum skuluð þið snúa öllum bitunum við og elda í aðrar 10 mínútur. Að þessum 20 mínútum loknum ætti kjúklingurinn að vera tilbúinn en skerið samt í þykkasta bitann til að vera alveg viss.
  10. Leyfið kjúklingnum að standa í 5 mínútur.
  11. Setjið buffalosósuna í stóra skál og kjúklingabitana ofan í. Hrærið mjög varlega til að þekja bitana í sósu. Ég byrja vanalega á því að setja fyrst einn bolla í skálina, síðan þegar ég er búin að hræra eins varlega og ég get bæti ég meira við svo að sósan fari pottþétt á alla kjúklingabitana.
Gráðostasósa
  1. Öllum hráefnunum er hrært saman í skál.
Notes
  1. Gott að bera fram með sellerí
RAGS 'N' ROSES https://www.ragsnroses.com/
Fylgja:
Share:

Skildu eftir svar

Netfang þitt verður ekki birt.