3   44
1   30
10   62
3   30
2   23
2   34
4   46
0   20
0   36
0   22

Bollur fylltar með vanillubúðing


Ef þið vissuð það ekki nú þegar þá er systir mín algjör snillingur þegar kemur að bakstri. Nú þegar bolludagurinn nálgast er þá ekki tilvalið að deila hér með þér uppskrift að bollum sem hún bjó til. Það eru til ótalmargar bollu uppskriftir en þessi er algjör klassík með skemmtilegum snúning en þær eru fylltar með vanillubúðingi! Ofan á bollunum er síðan dásamlegur súkkulaðiglassúr sem hér er einnig uppskrift að. Þetta er algjör lúxus glassúr með suðusúkkulaði og smjöri, ekki bara kakó og flórsykri ;)

Bollur sem uppskriftin er að á disk

Uppskriftina að bollunum finnið þið neðar í færslunni en hér getið þið séð betur þessa dásemd. Klassískar bollur eru alltaf snilld en það er ótrúlega skemmtilegt að breyta aðeins til. Mér finnst bollurnar í bakaríunum alltaf verða fjölbreyttari og fjölbreyttari og núna þegar ég bý í Danmörku þá er ég að upplifa nýjan heim þegar kemur að bollum. Ég uppgötvaði líka að danir halda upp á bolludaginn… eitthvað sem ég vissi ekki áður.

Bollur uppskrift nærmynd

Ílangar bollur sem uppskriftin er að með súkkulaðiglassúr

Bollan er alltaf klassík en það er líka hægt að leika sér með sprautustútinn og búa til nokkrar Éclairs. Éclair eru ílangar og því stundum auðveldara að bíta í þær án þess að allt fari út um allt ef ykkur langar að prófa að breyta til.

Nærmynd af bollunum sem uppskrift er að þar sem súkkulaði glassúrinn lekur niður

Kringlóttar bollur með súkkulaðiglassúr á leirdisk

Bollur sem búið er að skera í tvennt svo vanillubúðingurinn inni í bollunum er að leka út

Nei ég meina halló! Hversu girnilegt er þetta? Bollu uppskriftin sjálf er frekar auðveld, það sem er flóknast er vanillubúðingurinn en ef ekki er farið nákvæmlega eftir uppskriftinni gæti hann skilið sig eða orðið kekkjóttur. Passaðu þig því að vanda vel til verka þegar þú gerir hann ef þig langar að prófa.

Bollur sem búið er að skera í tvennt svo vanillubúðingurinn inni í bollunum er að leka út

Bollur sem búið er að skera í tvennt svo vanillubúðingurinn inni í bollunum er að leka út

Hér fyrir neðan finnið þið svo uppskriftina að þessum dásamlegu bollum, vanillubúðingnum og lúxus súkkulaði glassúrnum.

Bollur fylltar með vanillubúðing
Uppskrift að bollum með súkkulaðiglassúr og fylltar með vanillubúðing.
Print
Bollurnar
  1. ½ bolli (eða 125 gr) nýmjólk
  2. ½ bolli (eða 125 gr) vatn
  3. 115 gr íslenskt smjör
  4. ¼ tsk sykur
  5. ¼ tsk salt
  6. 1 bolli (eða 140 gr) hveiti
  7. 5 stór egg við stofuhita
Vanillubúðingur
  1. 6 eggjarauður
  2. 2 bollar nýmjólk
  3. ¾ bolli (eða 160 gr) sykur
  4. 1 matskeið vanilludropar
  5. ¼ bolli (eða 35 gr) hveiti
  6. 55 gr íslenskt smjör
Súkkulaðiglassúr
  1. 130 gr suðusúkkulaði
  2. 75 gr smjör
  3. 2 msk síróp
  4. 2 msk heitt vatn
Bollurnar
  1. Setjið bökunarpappír á 2 ofnplötur.
  2. Hitið ofninn í 200 gráður.
  3. Pískið öll eggin saman í skál. Setjið til hliðar.
  4. Blandið saman mjólkinni, vatninu, smjörinu, sykri og salti í djúpan pott. Hitið þar til fer að sjóða. Mikiðvægt að passa að blandan brenni ekki við.
  5. Þegar blandan er byrjuð að sjóða lækkið þá hitann í miðlungshita.
  6. Hellið hveitinu ofan í blönduna. Blandan þykknar mjög fljótt og þess vegna er mikilvægt að hræra mjög vel í blöndunni þegar hveitinu er bætt við. Haldið áfram að hræra í 1-2 mínútur þar til blandan verður líkari deigi.
  7. Færið deigið í aðra skál og hrærið á miðlungshraða með rafmagnshrærivél. Hrærið í 1-2 mínútur.
  8. Bætið eggjunum (sem búið er að píska vel saman) smátt og smátt við blönduna á meðan þið hrærið með rafmagnshrærivélinni. Ekki setja öll eggin í einu, setjið frekar í smáum skömmtum (4-5 skömmtum) og hrærið vel á milli. Áður en þið setið næsta skammt af eggjum við deigið skuluð þið vera búin að hræra fyrri skammtinn alveg við deigið. Það gæti gerst í þessu skrefi að deigið virðist ætla að skilja sig, haldið bara áfram að hræra, þá ætti deigið að lagast. Að lokum ætti blandan að verða orðin nokkuð þykk.
  9. Setjið deigið í sprautupoka og veljið stút sem er ekki of lítill. Það er líka alveg hægt að nota bara tvær skeiðar, þarf ekki endilega að setja deigið í sprautupoka.
  10. Sprautið deiginu á smjörpappírinn. Gerið ráð fyrir að deigið muni stækka töluvert þannig það er óþarfi að sprauta of miklu deigi fyrir hverja bollu (fínt að miða við að hver bolla sé ca. í sömu stærð og golfbolti). Ef þið viljið láta bollurnar líta út eins og éclair þá þarf að nota sprautupokann og sprauta ca. 5 cm.
  11. Setjið inn í ofn og bakið í ca 20 mínútur. Þetta skref fer þó eftir því hvernig ofn þið eigið. Í upprunalegu uppskriftinni er talað um að baka eigi bollurnar í 15 mínútur við 220 gráðu hita og lækka svo hitann niður í 190 gráður og láta bakast í 25 mínútur. Í mínum ofni bakaði ég bollurnar í tæplega 20 mínútur á 200 gráðum.
Vanillubúðingur
  1. Pískið eggjarauðurnar, sykurinn og hveitið saman í stórri skál.
  2. Hitið mjólkina í potti á miðlungshita þar til hún fer að sjóða. Passið að hún brenni ekki við.
  3. Hellið mjólkinni við eggjarauðublönduna og haldið áfram að hræra vel saman. Notið písk.
  4. Þegar þið eruð búin að hræra/píska heitri mjólkinni saman við eggjarauðurnar, sykrurinn og hveitið, setjið þá blönduna aftur í stóran pott. Blandan ætti að vera frekar þunn.
  5. Hitið blönduna í pottinum þar til hún fer að sjóða. Á meðan þið gerið það er mikilvægt að hræra í blöndunni. Um leið og þið hættið að hræra fer blandan að brenna við í botninn. Ég mæli með því að nota spaða úr gúmmí. Passið að hræra vel úr botninum. Blandan ætti að fara að þykkna. Hrærið áfram í 2-3 mínútur og takið svo af hitanum.
  6. Bætið smjörinu og vanilludropunum við heita blönduna. Leyfið smjörinu alveg að bráðna og hrærið saman.
  7. Núna ætti búðingurinn að vera tilbúinn. Setjið hann í skál eða annað box og lokið með plastfilmu. Setjið búðinginn í ísskápinn þar til þið notið hann.
Súkkulaðiglassúr
  1. Setjið öll hráefnin í pott og hitið saman við vægan hita. Leyfið að kólna.
Notes
  1. Leyfið bollunum ykkar að kólna alveg áður en þið fyllið þær af vanillubúðing.
  2. Setjið búðinginn í sprautupoka. Sprautið búðingnum inn í bollurnar, magn fer alveg eftir smekk. Ég sprauta búðingnum vanalega inn á 2-3 mismunandi stöðum á bollunni, ef bollan er í stærri kantinum. Passið líka að nota ekki of stóra sprautu. Passið bara að setja ekki það mikinn búðing að hann fari út um allt.
  3. Setjið glassúrinn ofan á bollurnar með skeið eða dýfið efri hluta þeirra ofan í glassúrinn.
RAGS 'N' ROSES https://www.ragsnroses.com/

Þar til næst þá getið þið skoðað fleiri uppskriftir hér. Þar getið þið til dæmis séð fleiri dásamlegar uppskriftir eins og þessa af dýrindis Siracha kjúklingasamlokunum sem ég deildi um daginn.

Fylgja:
Rannveig
Rannveig

Rannveig heiti ég og er eigandi þessarar bloggsíðu. Ég er 26 ára gömul, fædd og uppalin í Kópavogi. Núna bý ég þó í Kaupmannahöfn þar sem ég starfa sem markaðsstjóri. Takk fyrir að stoppa við á þessari litlu síðu minni og kíktu endilega á fleiri greinar sem ég hef skrifað!

Share:

Skildu eftir svar

Netfang þitt verður ekki birt.


x

Þú gætir haft áhuga á þessu

Boho barnateppi
Mig langaði að sýna ykkur barnateppi sem ég prjónaði um daginn og hefur fengið viðurnefnið tveggja daga teppið hjá mér og það ekki af ástæðul...
Flugmannahúfa
Mig langaði að sýna ykkur þessar flugmannahúfur sem ég prjónaði um daginn. Ég fékk lánaðan þennan fallega strák frá vinkonu minni til að s...
Draumapeysan: Frí uppskrift!
Það var einhverntíman í lok síðasta árs sem ég sagði ykkur frá peysunni sem ég var að rembast við að klára fyrir jólaferðina miklu til N...
powered by RelatedPosts